Яр Чаллыда телевизион программаларны өзәргә мөмкиннәр

2019 елның 5 марты, сишәмбе

Татарстан Республикасы Мәгълүматлаштыру һәм элемтә министрлыгы хәбәр иткәнчә, 5-6 нчы март көннәрендә 8:00 сәгатьтән 18:00 сәгатькә кадәр Яр Чаллы шәһәренең радиотелеүзәгендә түбәндәге аналог һәм цифрлы эфир телевидениесе һәм радиотапшырулар программаларын өзеп, эшләр башкарылачак:

• «Беренче канал»;
• «Россия 1+ Татарстан»;
•  «ТВ матчы»;
• «ТНВ»;
• «Йолдыз»;
• «Россия Радиосы+ Татарстан Радиосы»;
• "Маяк» Радиосы»;
• «Вести ФМ» радиосы»;
• «Болгар радиосы»
• «Ретро-ФМ»;
• «Юл радиосы»
• беренче һәм икенче мультиплекс программалары пакеты.

Татарстан Республикасы Мәгълүматлаштыру һәм элемтә министрлыгы халыкны үткәрелә торган эшләргә аңлап карауларын сорый.