Информатика буенча Иннополис Университетының халыкара олимпиадасын Казаннан 10 нчы сыйныф укучысы отты
Яшь программистларның финалы Иннополис, Мәскәү, Санкт-Петербург һәм Витебскида (Беларусь Республикасы) дүрт мәйданчыкта узды. Җиңү өчен Үзбәкстан, Болгария, Көньяк Корея, Бельгия, Венгрия, Сербия, Гонконг, Израиль, Украина, Беларусь һәм Россиянең 21 регионыннан 7-11 нче сыйныф укучылары көрәште.
Олимпиада укучылар биш сәгать дәвамында информатика буенча бурычларны хәл иткән барлык мәйданчыкларда да бер үк вакытта узды. Биремнәрне үтәү өчен исәпләнгән баллар нәтиҗәләре буенча Татарстан, Мәскәү һәм Мәскәү өлкәсе, Санкт-Петербург, Калининград һәм Свердловск өлкәләреннән 13 укучы җиңүче булды. Абсолют җиңүче дип Казан федераль университетының Лобачевский исемендәге лицейның 10 сыйныф укучысы Илдар Гайнуллин танылды - ул 500 мөмкинлектән 382 балл җыйды.
Аны Иннополис Университеты һәм ТР Мәгариф һәм фән Министрлыгы оештырды. Дүрт ел эчендә ярышларда Россиянең 76 төбәгеннән һәм БДБның 5 иленнән 9 мең укучы катнашты. Әлеге олимпиада 2018/2019 уку елына мәктәп укучылары олимпиадалары исемлегенә керә һәм Россия мәктәп укучылары олимпиадалары советының беренче дәрәҗәсе бар. Олимпиада җиңүчеләре һәм призерлары югары уку йортларына кергәндә ташламалар алалар - әзерлек программаларына керү имтиханнарыннан башка, олимпиаданың профильле фәненә туры килә торган укырга керү имтиханнарыннан башка, шулай ук олимпиаданың тиешле профиленә туры килә торган фән буенча БДИның максималь баллын алалар.