ИТ-парк инвалид кешеләр өчен веб-эшләү буенча курсларга кабул итә башлады
Инвалидлыгы булган кешеләр өчен «inIT» түләүсез социаль проектта катнашу өчен гаризалар кабул ителә башлады. Global Shapers Сommunity Казан бүлеге ярдәме белән «Интеграция» региональ инвалидлар иҗтимагый оешмасы белән берлектә Югары технологияләр өлкәсендә эшләүче «ИТ-парк» технопаркы әлеге чараның инициаторы булды. «InIT» проектының өченче этабы «Президент грантлары фонды» һәм Татарстан Республикасы бюджетыннан субсидияләр ярдәмендә мөмкин булды.
Проект инвалидлыгы булган кешеләргә карата җәмәгатьчелек фикерен үзгәртүгә, аларны адаптацияләүгә, шулай ук чиктәш өлкәләрдә уңайлы мохит һәм хезмәт күрсәтүне формалаштыруга һәм үстерүгә юнәлдерелгән.
«InIT» белем бирү программасын тыңлаучылар төрле яшьтәге һәм төрле дәрәҗәдәге инвалидлык белән дә булырга мөмкин. Әлеге Курс веб-эшләнмәләргә юнәлдерелгән һәм Казан ИТ-паркы базасында уздырылачак. Гаризалар кабул итү 2019 елның 15 нче мартына кадәр дәвам итәчәк, укулар апрель аенда башланачак. Проектта катнашу өчен курс сайтында анкета тутырырга һәм әңгәмә узарга кирәк, аның нәтиҗәләре буенча 20 кешедән торган төркем төзеләчәк. Программа тәмамлангач, укучылар квалификация күтәрү турында таныклык алачаклар.
ИТ-парк җайлаштырылган керү төркеменә, махсус санузел һәм уку өчен уңайлы урыннарны үз эченә алган кирәкле «уңайлы мохит» ия. Үзе йөри алмый торган кешеләргә коляскалар өчен күтәргечле транспорт биреләчәк.
Исегезгә төшерәбез, «inIT» проектының беренче этабы 2017 елның 18 нче мартыннан 21 нче июленә кадәр Казан ИТ-паркында уңышлы гамәлгә ашырылды. Ул вакытта оештыручылар PHP-программалаштыру буенча белем бирү курсын узарга теләүчеләрдән 100дән артык гариза алды, нәтиҗәләр буенча 18 укучы сертификатлар алды.
Проектның икенче этабы 2017 елның 17 нче октябреннән 2018 елның 15 нче февраленә кадәр Яр Чаллы шәһәрендә узды. Укырга 70тән артык гариза керде. Чыгарылыш проектын программаның 10 катнашучысы яклады.
Фото: ИТ-парк матбугат хезмәте