Россия Почтасы һәм Артек почта комиссарларының яңа җыелмасын игълан итә
Россия Почтасы «Үз ишегеңне зәңгәр төсләрдән ач» дигән иҗади балалар конкурсы башлану турында игълан итә, аның җиңүчеләре 2019 ел дәвамында Артек лагерьларының почта комиссарлары булу мөмкинлеге алачак.
Конкурс «Артек» яшьләр сәламәтләндерү-белем бирү үзәгендә үткәрелә торган "зәңгәр төстәге ишек" тематик мәгариф программасын гамәлгә ашыру кысаларында игълан ителде. Программа 2018 елның маенда старт алды. Россиянең 41 регионыннан 150 дән артык егет һәм кыз почта комиссарлары – артековчылар булдылар. Проект кысаларында төрле елларда илнең барлык почмакларында яшәүче 25 меңнән артык артекчы арасында уникаль артек открыткалары белән алмашу дәвам итә.
2019 елда 15 артек сменасының һәрберсендә "Үз ишегеңне ач" иҗади конкурсында җиңүче 10нан 15кә кадәр почта комиссары барлыкка киләчәк. Конкурста катнашучылар - 14 яшьтән 16 яшькә кадәрге балалар үз көчләрен түбәндәге номинацияләрдә сынап карый алачаклар:
"Артек почта маркасы" номинациясе. Әлеге номинациядә конкурста катнашучы ачык профильдә һәм Вконтакте, Facebook, Instagram, Ютуб социаль челтәрләрендә теләсә кайсы рәсем техникасында башкарылган почта маркасының эскизын фотога төшерә. Иҗади эш Артекның 100 еллыгына, шулай ук Артек Почтасының һәм почта комиссарларының Артек тормышындагы роленә багышланган булырга тиеш. Бер эш кысаларында өч элемент – рәсемнәр, дизайн карарлары, коллажлар урнаштыру рөхсәт ителә.
«2119 ел почта хезмәткәренә минем хатым» номинациясе. Әлеге номинациядә катнашучы шул ук схема буенча социаль челтәрләрдә киләчәк Россия Почтасы хезмәткәренә хат буларак концептуаль рәсмиләштерелгән текст эшен урнаштыра. Эшнең стилистикасы һәм сәнгати бизәлеше - катнашучы теләгәнчә.
«Мин - иң кулай кандидатура!» номинациясе. Әлеге номинациядә конкурста катнашучы vesti@russianpost.ru электрон адресына Артек лагерының почта хезкәткәре вазыйфаларын үтәргә ярдәм итүче үзенең шәхси сыйфатларын язып, PowerPoint форматында презентация җибәрә. Презентация текстларны да, фотоларны да үз эченә ала.
Конкурста җиңүчеләр почта һөнәрләрен популярлаштыруга һәм үсеп килүче буынга һөнәри юнәлеш бирүгә юнәлдерелгән Артек, Россия Почтасы һәм Кырым Почтасының «Зәңгәр төстәге ишек» уртак проектында катнашачаклар. Проект кысаларында Артек базасында Артекның тугыз лагере арасында почта аша җибәрелгән хатлар алмашу өчен дөньяда беренче һәм бердәнбер балалар почтасы булдырылды һәм уңышлы эшләп килә.
Конкурс турында нигезләмә, катнашуның тулы кагыйдәләре Артек Халыкара балалар үзәге www.artek.org сайтында «Тематик партнерлар/Россия Почтасы» өстәмә битендә урнаштырылган.
Фото: Россия Почтасы