Федерация Советында Татарстан Көннәре кысаларында Татарстанның ИТ-потенциалын тәкъдир иттеләр
Бүген Мәскәүдә РФ ФҖ Федерация Советы фойесында Татарстан Республикасының Социаль-икътисадый потенциалын тәкъдир итү-күргәзмә ачылды. Күргәзмә Федерация Советында Татарстан Республикасы көннәрен үткәрүгә багышланган. Мәгълүмати технологияләр өлкәсендә Татарстан проектлары аерым стенд белән тәкъдим ителде.
Татарстан казанышлары белән Россия Федераль Собраниесе Федерация Советы Рәисе Валентина Матвиенко танышты. Татарстан Республикасы Премьер-министры урынбасары – Татарстан Республикасы Мәгълүматлаштыру һәм элемтә министры Роман Шәйхетдинов "Цифрлы Татарстан" кысаларында төп проектлар һәм ИТ-тармак алдында торган бурычлар турында сөйләде.
«Россия Федерациясе субъекты сәгате» кысаларында РФ ФҖ Федерация Советы утырышында Татарстанның социаль-икътисади өлкәсен цифрлаштыруның югары дәрәҗәсен билгеләделәр. Республика халкының 80 проценттан артыгы электрон формада дәүләт һәм муниципаль хезмәтләр ала-бу илдәге иң яхшы күрсәткечләрнең берсе.
РФ ФҖ Федерация Советы башлыгы Валентина Матвиенко республикада барлык мәгариф өлкәсе диярлек цифрлы технологияләргә уңышлы күчә, дип өстәде. «Татарстан Республикасы Электрон мәгарифе» системасы укытучыларга нәтиҗәле эш алып барырга һәм укучылар һәм аларның ата-аналары белән даими элемтәдә торырга мөмкинлек бирә. Системага барлык мәктәпләр һәм урта һөнәри белем бирү учреждениеләре тоташтырылган. «Милли электрон китапханә» һәм «Электрон балалар бакчасы» булдырылды.
Шулай ук доклад барышында Иннополис Университеты турында сөйләделәр, анда студентларның мәгълүмати технологияләр һәм робот техникасы өлкәсендә үз тикшеренү проектларын мөстәкыйль алып бару мөмкинлеге бар.
Фото: ТР Президенты матбугат хезмәте