Татарстан инфоматларында эшкуарлар өчен яңа функцияләр барлыкка килде
Республиканың эре сәүдә үзәкләрендә һәм кешеләр күпләп җыела торган башка урыннарда урнаштырылган «Электрон Татарстан» инфоматларында бизнес вәкилләре өчен дәүләт пошлинасы комиссиясеннән башка - юридик затны теркәү, юридик затның гамәлгә кую документларына кертелә торган үзгәрешләрне теркәү яки оешманың юкка чыгаруы өчен яңа сервис гамәлгә ашырылды.
Инфоматларда шулай ук юридик затларга һәм шәхси эшмәкәрләргә күрсәтелә торган хезмәтләр өчен дә түләргә мөмкин. Мәсәлән, ЕГРЮЛ яки ЕГРИПТАН мәгълүматлар биргән өчен.
Күрсәтелгән хезмәтләрне КФҮ бүлекләрендә алырга, ТР Дәүләт хезмәтләре порталында язылырга мөмкин.
Исегезгә төшерәбез, «Электрон Татарстан» инфоматлары ярдәмендә үз-үзеңә хезмәт күрсәтү режимында дәүләт, муниципаль һәм социаль әһәмиятле хезмәтләрне электрон рәвештә алырга мөмкин. Бүген бөтен республика буенча шундый 383 инфомат урнаштырылган».