Татарстан мәгълүмати технологияләр үзәге АҖ «ГЛОНАСС» белән хезмәттәшлек турында сөйләштеләр
ДУП «Татарстан Республикасы Мәгълүмати технологияләр үзәге» һәм АҖ «ГЛОНАСС» мәгълүмати хезмәттәшлек турында килешү имзаладылар. Бүген Мәскәүдә бу көннәрдә уза торган «ЭРА-ГЛОНАСС» халыкара конгрессы кысаларында кул куелды. Документка ТР Мәгълүмати технологияләр үзәге генераль директоры Алмаз Вәлиуллин һәм ГЛОНАСС генераль директоры Игорь Милашевский кул куйды. Кул куюда шулай ук ТР Премьер-министры урынбасары - Мәгълүматлаштыру һәм элемтә министры Роман Шәйхетдинов та катнашты.
Яклар ЭРА-ГЛОНАСС федераль системасы Татарстан территориясендә транспорт чараларының «ГЛОНАСС+112» базасында Татарстан Республикасының төбәк навигация - мәгълүмат системасына күчүе турындагы мәгълүматларны тапшырачак.
Россия Федерациясе Хөкүмәтенең 2018 елның 13 нче февралендәге 153 номерлы карары нигезендә пассажирлар ташучы транспорт чараларын күчерү турында мониторинг мәгълүматларын җыю процессы Үзәкләштерелгән һәм барлык мәгълүмат федераль системага тапшырыла. Шул ук вакытта пассажирлар һәм куркыныч йөк ташу иминлеген тәэмин итү, төбәккә транспорт чараларын контрольдә тоту һәм диспетчерлаштыру өчен дә бу мәгълүматлар кирәк. Имзаланган документ нигезендә мәгълүмати хезмәттәшлек һәм мәгълүматларны тапшыру автомат рәвештә башкарылачак.
Белешмә өчен:
Татарстан Республикасы Мәгълүматлаштыру һәм элемтә министрлыгының Мәгълүмати технологияләр үзәге техник операторы булган "ГЛОНАСС+112" бердәм дәүләт мәгълүмат системасы 2009 елның июленнән Татарстанда эшли. Системага барлык ашыгыч хезмәтләр дә тоташтырылган. Моннан тыш, система эре спорт һәм мәдәни-массакүләм чаралар үткәрү урыннарына мониторинг уздыра.