Татарстанның ИТ-потенциалы Япония эшлекле даирәләренә тәкъдим ителде
Татарстан Республикасы Премьер-министры урынбасары – Татарстан Республикасы Мәгълүматлаштыру һәм элемтә министры Роман Шәйхетдинов "Татарстан-Япония" форумында Япония эшлекле даирәләренә республиканың инновацион һәм технологик потенциалын тәкъдир итте. Министр төбәкнең үсә торган ИТ-инфраструктурасы, шул исәптән Иннополис, ИТ-парк һәм төп Республика мәгълүмат системалары турында сөйләде, аларның күбесе Россиядә генә түгел, чит илләрдә дә актив кулланыла.
Бизнес-форум кысаларында Татарстан Республикасы Президенты Рөстәм Миннеханов хәбәр иткәнчә, Татарстан халыкара һәм тышкы икътисадый хезмәттәшлекне актив үстерә һәм Япония бизнесы вәкилләре белән хезмәттәшлекне киңәйтергә әзер.
Президент шулай ук ассызыклаганча, Татарстанның Япония партнерлары белән төрле өлкәләрдә хезмәттәшлек җайга салынган инде. Әйтик, ИТ-технологияләр өлкәсендә «Ай-Си-Эл» предприятиесе Япон «Фуджицу» белән хезмәттәшлек итә. Күп кенә Япония компанияләренең технологияләре һәм капиталлары нефть химиясе производстволары төзегәндә, сәламәтлек саклау һәм авыл хуҗалыгын үстерүдә, республиканы мәгълүматлаштыру вакытында кулланылды.
Форум азагында Япония бизнесы вәкилләре Татарстан Республикасы делегациясенә визиты өчен рәхмәт белдерделәр һәм алга таба хезмәттәшлек итәргә әзер булуларын белдерделәр.
Бизнес-форум Татарстан делегациясенең Япониягә визитының бер пункты булды.
Шулай ук бүген делегация Карнадзава Университетында булды, ул бөтен дөнья буенча югары уку йортлары белән хезмәттәшлек итә, шул исәптән КФУ да - 1998 елдан бирле. Монда делегатларга World Premier Халыкара тикшеренүләр үзәге (WPI) һәм пилотсыз идарә лабораториясе тәкъдир ителде.
Япониягә эш визиты ахырында Татарстан делегациясе әгъзалары хокук заводында конвейер һәм сортировкалау җиһазлары җитештерү белән таныштылар, җитештерү куәтләрен карадылар һәм конвейер һәм сортировкалау машиналарының эше белән таныштылар.