Татарстанда банк өлкәсендә ачык IT-хакатон узачак
Татарстанда банк өлкәсендә ачык IT-хакатонга гаризалар кабул итү башланды. Анда 12 яшьтән алып 30 яшькәчә булган яшь программистлар командалары катнаша ала. Алар: .NET, Python, ReactJS, ObjectiveC/Swift, Java/Kotlin. Бу хакатонда аларга банк өчен финанс сервислары эшләргә туры киләчәк.
Катнашу өчен гаризалар 21 нче октябрьгә кадәр сайтта кабул ителә. Һәр команда проектны эшләүчеләр, менеджерлар, финансистлар һәм дизайнерлардан торырга тиеш. Читтән торып үткәрелгән этапта командаларга Ак Барс Банктан биш кейсның берсен хәл итәргә, гадәти яки видеопрезентация әзерләргә, GitHub, шулай ук LeanCanvas кодын әзерләргә туры киләчәк.
Командаларның иң яхшылары 9-11 ноябрьдә Казанда хакатонның турыдан-туры этабында катнашачаклар - биредә катнашучылар банк клиентлары өчен үз финанс сервисын булдырачаклар.
Хакатон җиңүчеләре акчалата призлар алачак: беренче урын өчен 200 мең сум, икенче һәм өченче урыннар өчен 100 мең һәм 50 мең сум. Хакатонда катнашучыларның иң яхшы идеяләре Ак Барс Банкта практикада гамәлгә ашырылырга мөмкин.
Хакатон Талантлар Университеты, КФУның Мәгълүмати технологияләр һәм интеллектуаль системалар Югары мәктәбе, Иннополис Университеты белән берлектә, Татарстан Республикасы Мәгълүматлаштыру һәм элемтә министрлыгы, Татарстан Республикасы Яшьләр эшләре министрлыгы һәм Татарстан Республикасы Мәгариф һәм фән министрлыгы ярдәме белән үткәрелә.