Малайзия эшлекле даирәләренә Татарстанның мәгълүмат системалары турында сөйләделәр
Малайзиянең эшлекле берләшмәсе вәкилләре белән очрашуда ТР Премьер-министры урынбасары – Мәгълүматлаштыру һәм элемтә министры Роман Шәйхетдинов Татарстанның ИТ-потенциалын тәкъдир итте. Очрашу кичә Джохор штатында Татарстан Республикасы рәсми делегациясенең Малайзиягә һәм Сингапурга визиты кысаларында узды.
Роман Шәйхетдинов Татарстанда югары технологияләр өлкәсендә эшләүче "ИТ-парк" һәм Иннополис югары технологияләр шәһәре технопаркын, шулай ук республикада эшләп килүче төп мәгълүмат системалары һәм сервисларын үз эченә алган ИТ-инфраструктура турында сөйләде, алар арасында – Татарстан Республикасы дәүләт һәм муниципаль хезмәтләр Порталы, Электрон сәламәтлек саклау, электрон документлар әйләнеше, «Халык контроле» һәм «Халык инспекторы».
Фото: ТР Президенты матбугат хезмәте