Информацион системалар һәм технологияләр югары мәктәбе беренче туган көнен билгеләп үтте

2012 елның 20 марты, сишәмбе
КФУ ның иң яшь бүлекләренең берсе – 2011 елда оешкан Информацион системалар һәм технологияләр югары мәктәбе (ИТИС) 19 мартта беренче тапкыр туган көнен билгеләп үтте.
Исегезгә төшерәбез, КФУ базасында оештырылган ИТ-факультетның беренче студентлары 2011 елның сентябрендә укый башлаган иде. 30 абитуриент БДИ имтиханнарында иң яхшы нәтиҗә күрсәтеп, беренче уку елына ИТ-парктан шәхси грантлар алды. Бу уку йортында укыту Microsoft, HP, Cisco, IBM һәм башка шундый өр-яңа технологияләргә нигезләнгән авторлаштырылган курсларда алып барыла. Иң мөһим курсларны укырга КФУның, дөньяның танылган университетлары укытучылары чакырыла. Студентлар, икенче курстан алып, алга киткән ИТ-компанияләрдә, шул исәптән ИТ-парк резидент-компанияләрендә практика үтә. Укытуның максаты – Татарстан Республикасының ИТ-өлкәсен үстерү өчен кадрлар булдыру.
Бер ел эчендә ИТИСта шактый мөһим вакыйгалар булды. Мәсәлән, 2011 елның октябрь аенда монда Exigen Services халыкара ИТ-компаниясе лаборатория ачты һәм бу лабораториядә студентлар актив эшләп килә. Компания белгечләре программалар төзү буенча тәҗрибә уртаклаша.
23 ноябрьдә ачылган FujitsuLabGDC лабораториясе  Fujitsu компаниясенең Татарстандагы беренче уку-җитештерү проекты булып тора. Лаборатория шулай ук техник күнекмәләр алу өчен, командада эшләү күнекмәләре алу өчен уникаль мөмкинлекләр бирә.
2011 елның декабрь ае тагын 3 яңа лаборатория барлыкка килү белән истә калды: Татарстан Республикасы Фәннәр академиясенең Гамәли семиотика институты лабораториясе, “”Медицина өлкәсендә информацион технологияләр” һәм “Интеллектуаль эзләү системалары һәм семантик технологияләр” лабораторияләре.
Быел февраль аенда ук “Интеллектуаль эзләү системалары һәм семантик технологияләр” лабораториясе 30 мең долларлык заказ алды. Мартта исә ИТИС лабораториясенең һәм Казанда урнашкан FlatSoft компаниясенең уртак лабораториясе тәкъдир ителде.
ТР Мәгълүматлаштыру һәм элемтә министрлыгы матбугат хезмәте
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлыгы
Документлар
Матбугат хезмәте
Гражданнарның мөрәҗәгатьләре
Адрес: 420111, Казан шәһәре, Кремль урамы, 8
Телефон: Канцелярия: (843) 231-77-95, (843) 231-77-96, Приемная министра: (843) 231-77-01, Приемная заместителей министра: (843) 231-77-02
Факс: (843) 292-40-14
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International