Мәктәп укучыларын һәм студентларны Белем көне белән котлыйбыз!
Бүген, 1 нче сентябрьдә, мәктәп укучылары, студентлар, укытучылар һәм уку-укыту процессына мөнәсәбәте булган барлык кеше халыкара Белем көнен үткәрә. Без барлык кешене әлеге күркәм бәйрәм белән котлыйбыз, бигрәк тә мәгълүмати технологияләр өлкәсендә белем алучы укучыларны!
Татарстанда ИТ-мәгарифкә 5 меңнән артык кешенең катнашы бар. Өстәвенә, балалар программалаштыру нигезләренә мәктәп эскәмиясеннән үк укый.
Бу – республика мәктәпләрендә 50 ИТ-класс, аларда программалаштыру һәм робот техникасы өлкәсендә ел саен укучылар белем ала. Бу – 22 Яндекс.Лицей мәйданчыгы, анда мәктәп укучылары бушлай Python программалаштыру телен өйрәнә алалар. Бу – Казанда һәм Яр Чаллыдагы ИТ-паркның ИТ-академиясе, ул ел саен 700 дән артык бала өчен программалаштыру һәм гомуми белем бирү курслары үткәрә. Бу – Яр Чаллыдагы «Кванториум» балалар технопаркы, анда даими рәвештә төрле юнәлешләр буенча, шул исәптән ИТ өлкәсендә дә, 500 гә якын 5-11 сыйныф укучылары укый.
Бу өлкәдә урта һөнәри белем бирүне Мәгълүмати технологияләр һәм элемтә техникумында алырга мөмкин, ә югары белемне - Иннополис Университетында һәм КФУНЫҢ ИТИС Югары мәктәбендә.
Бүген, ИТ-белгечләр хезмәт базарында иң кирәклеләр булып саналган заманда – дөрес белем алу мөһим. Белем көне белән, дуслар!