Роман Шәйхетдиновка почетлы исем бирелде
Бүген Казан Кремлендә Россия Федерациясе һәм Татарстан Республикасы дәүләт бүләкләрен тапшыру тантанасы узды. 56 алдынгы татарстанлыга Дәүләт бүләкләрен Татарстан Республикасы Президенты Рөстәм Миннеханов тапшырды. «Татарстан Республикасының атказанган Мәгълүматлаштыру һәм элемтә хезмәткәре» дигән мактаулы исемне Татарстан Республикасы Премьер-министры урынбасары – Мәгълүматлаштыру һәм элемтә министры Роман Шәйхетдинов алды.
Дәүләт бүләге футбол буенча 2018 елгы FIFA әзерләү һәм үткәрү чорында элемтә чараларының югары сыйфатлы һәм өзлексез эшен тәэмин итү өчен тапшырылды.
«Республика зур һәм көчле икътисадка ия, һәм бу икътисад биредә яши, эшли һәм укый торган кешеләр хакына эшләргә тиеш», - диде Татарстан Президенты. – Шуңа күрә мин республиканы үстерүгә өлеш керткән һәркемгә рәхмәт әйтергә тиеш, - диде Рөстәм Миннеханов, чарада катнашучыларга мөрәҗәгать итеп. - Хезмәтләрегез өчен рәхмәт белдерәм. Дәүләт бүләкләрен тапшыру – очрашып, барыгызга да зур рәхмәт әйтү өчен бу яхшы сәбәп».
Фото: ТР Президенты матбугат хезмәте