2018 елда Иннополис Университеты 149 белгеч чыгарды һәм 254 яңа студентны кабул итте
Бүген Россия ИТ-югары уку йортында икеләтә бәйрәмне билгеләп үттеләр: уку елы ахыры һәм яңа студентлар килүен. Яшьләрне Татарстан Республикасы президенты Рөстәм Миннеханов, ТР Премьер-министры урынбасары – Татарстан Республикасының Мәгълүматлаштыру һәм элемтә министры Роман Шәйхетдинов, Иннополис Университетының Күзәтү советы рәисе Николай Никифоров һәм Иннополис Университеты директоры Кирилл Семенихин тәбрикләделәр.
Быел беренче Россия ИТ-Югары уку йортында укуны 49 бакалавр һәм 100 магистр тәмамлады. Алар МИЗ «Иннополис» резидентлары һәм Иннополис Университетының партнер-компанияләреннән (Яндекс Технологияләр, Контур Инновацияләре, АК Барс, Цифрлы технологияләр, Саклык банкы-Технологияләр һәм башкалар) эшкә чакыру алдылар.
Моннан тыш, 28 иң яхшы чыгарылыш укучыларына бишле билгеләренә генә тәмамлаган һәр сессия өчен 100 мең сум акчалата сертификатлар тапшырылды.
Шулай ук бүген университетка грант нәтиҗәләре буенча кергән 254 беренче курс студентын студентларга багышлау тантанасы узды.