«Ачык хөкүмәт” эшче төркеменә элемтә сыйфатын яхшыртуга юнәлдерелгән тәкъдимнәр тапшырылачак

2012 елның 15 марты, пәнҗешәмбе
«Ачык хөкүмәт” эшче төркеменең “мәгълүматлаштыру” бүлекчәсенең 4- нче утырышы кичә, 14 мартта Мәскәүдә ТР вице-премьеры - Мәгълүматлаштыру һәм элемтә министры Николай Никифоров һәм “ХК “Композит” ЯАҖ генераль директоры Леонид Меламед рәислегендә узды. Фикер алышуның төп темасы Россиядә телекоммуникацияләр үсеше һәм элемтә сыйфатын яхшырту булды.
Утырышта катнашучылар яңа технологияләр җәелдерү, мобиль элемтә хезмәтләре өчен тарифлар формалаштыру, цифрлы элемтә хезмәтләренең тигезсезлеген бетерү, кайбер торак пунктларны сыйфатлы элемтә белән тәэмин итү хакында тәкъдимнәр белән чыкты. 
Мәсәлән, Россиядә мобиль элемтә хезмәтләре бәясе Европага караганда күпкә арзанрак, һәм алга таба бәяләр төшү элемтә сыйфатына негатив тәэсир итәр, дигән фикер булды. Экспертларның берсе, “Система” корпорациясе генераль директоры Михаил Шамолин, кулланучылар мәнфәгатен дә, элемтә базарындагы төп уенчылар мәнфәгатьләрен дә күзалларга кирәк, диде.
“Хезмәт күрсәтү бәясе, аның сыйфаты һәм илнең ерак торак пунктларына үтеп керә алуы балансын табу бик мөһим”, - диде Николай Никифоров.
“Хөкүмәткә тәкъдимнәр җибәрү һәм карарларның телекоммуникацияләр базарының барлык уенчылары мәнфәгатьләреннән чыгып кабул ителәчәгенә тәэсир итү өчен бүлекчә экспертларының уникаль мөмкинлеге бар”, - диде Леонид Меламед.
Россиядә телекоммуникацияләр үсеше темасына булган тәкъдимнәр март ахырына әзерләнеп бетеп, “Ачык хөкүмәт” эшче төркеме җитәкчесе Сергей Ивановка тапшырылачак.
ТР Мәгълүматлаштыру һәм элемтә министрлыгы матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлыгы
Документлар
Матбугат хезмәте
Гражданнарның мөрәҗәгатьләре
Адрес: 420111, Казан шәһәре, Кремль урамы, 8
Телефон: Канцелярия: (843) 231-77-95, (843) 231-77-96, Приемная министра: (843) 231-77-01, Приемная заместителей министра: (843) 231-77-02
Факс: (843) 292-40-14
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International