Иннополиста Казахстан белән килешүләр имзаланды
Бүген Иннополис университеты һәм Казахстан Республикасы Алматы өлкәсе хезмәттәшлек турында килешүгә кул куйдылар. Яклар фәнни-белем бирү даирәсен бергә үстерергә килештеләр. Документка ИТ-югары уку йорты директоры Кирилл Семенихин һәм Алматы өлкәсе хакиме урынбасары Омар Жаксылык үз кулларын куйдылар.
Килешүдә хезмәттәшлекнең өстенлекле юнәлешләре язылган, алар арасында – ИТ-өлкәсендә тәҗрибә уртаклашу, уртак чаралар оештыру һәм уздыру, Иннополис университеты һәм Алматы өлкәсе студентларының стажировкасын оештыру, шулай ук программалы тәэмин итү өлкәсендә фәнни-тикшеренү эшләре.
Моннан тыш, ниятләр турындагы беркетмәгә Иннополис резиденты – «Градиент Килби» компаниясе һәм Алматы өлкәсе Талдыкурган шәһәре Акиматы кул куйдылар.
Әйтергә кирәк, килешүләрне имзалау Казахстан регионы администрациясе рәсми делегациясенең Татарстан Республикасына визиты кысаларында тормышка ашырылды.