ТР Дәүләт хезмәтләре порталы: периодик басмаларга онлайн язылу дәвам итә

2018 елның 17 июле, сишәмбе

ТР Дәүләт хезмәтләре порталында  басмаларга онлайн язылырга һәм почта бүлегенә бармыйча түләргә була.  Газета, журналлар, китаплар, фәнни-техник мәгълүмат басмалары, чит ил һ. б. басмаларга язылырга мөмкин.

Хезмәт күрсәтүләрне алу өчен:

1. «Язылу: газета-журналлар» хезмәт күрсәтүен сайларга.
2. Басмалар исемлеген һәм каталогтан илтеп бирү тибын күрсәтергә.
3. Һәр басма буенча язылу чорын билгеләргә.
4. Заявитель, илтеп бирү адресы һәм басма комплекты саны турындагы мәгълүматны тутырырга.
5. Заказны  онлайн түләргә.

Өч эш көне эчендә кулланучының шәхси кабинетына язылуны рәсмиләштерү статусы турында мөрәҗәгать киләчәк.

Ел башыннан бирле татарстанлылар периодик басмаларга 4 меңнән артык онлайн язылу рәсмиләштергәннәр.

Моннан тыш, 31 нче августка кадәр Татарстан халкы меңнән артык периодик басмага языла ала.

Фото: pixabay.com