Россия цифровизациясенең киләчәген ЦИПР-2018дә ачыкладылар
6-8 нче июнь көннәрендәТатарстанда россия һәм халыкара экспертлары илнең цифровизациясе тикшерүендә катнаштылар, «РФ цифрлы икътисады» программасына керүче проектларны бәяләделәр, аңа кертү өчен потенциаль вариантларны сайладылар, шулай ук яңа продуктларны тәкъдим иттеләр һәм берничә дистә килешү төзеделәр.
ЦИПР-2018 Иннополис Югары технологияләр шәһәре РФ 44 төбәге һәм дөньяның 14 иленең 1 270 компаниясеннән 4 меңнән артык кеше җыйды. Конференциянең махсус программасы цифрлы икътисадның төрле юнәлешләре буенча 74 сессиягә 367 спикерны җәлеп итте. Шулай ук бер секциянең со-модераторы робот-андроид Алисә Зеленоградова булды.
ЦИПР-2018 конференциясенең программасы өч тематик өлештән торды: «Икътисад мәгълүматлары», «Платформа үсеше», «B2B кооперация».
Россия экспертларыннан тыш ЦИПРда түбәндәге илләрдән халыкара экспертлар да катнашты: АКШ, Германия, Франция, Сербия, Венгрия, Казахстан, Беларусь Республикасы, Монголия, Молдова, Лаосской Халык-Демократик Республикасы, Мисыр, Төркия һәм Израиль.
ЦИПР партнеры Евразия Икътисади Комиссиясе «Уртак проектлар аша ЕАЭС цифрлы тәртибен гамәлгә ашыру» панель сессиясен үткәрде һәм «Евразия цифрлы платформалары» ярымфинал бәйгесендә җиңүчеләрне билгеләде: Brio MRS проекты, «Биобанкларның мәгълүмати платформасы», CML-Bench һәм «Кодвардс»
Россиядә санлы икътисад үстерү буенча доклад кысаларында Россия санлы икътисадының торышы төп үсеш проблемалары һәм аларны җиңеп чыгу юллары турында сүз барды.
ЦИПР-2018 күргәзмә зонасын үткәрү көннәрендә ТР Президенты Рөстәм Миннеханов килде. ЦИПР конференциясе йомгаклары буенча берничә дистә килешү имзаланды.
ЦИПР-2018 РФ Президенты Администрациясе, РФ Сәнәгать һәм сәүдә министрлыгының, РФ элемтә, гаммәви коммуникацияләр санлы үсеш министрлыгының, РФ икътисади үсеш министрлыгы, Татарстан Республикасы Хөкүмәте ярдәме белән узды. РФ Хөкүмәте аналитик үзәге конференциянең контент партнеры ролендә чыгыш ясады.