Татарстан студентлары Якутиядә узачак WorldSkills сайлап алу ярышларында
Бу көннәрдә Якутиядә WorldSkills Милли чемпионаты финалында (2018 елның августында Южно-Сахалинск шәһәрендә узачак) катнашу хокукына бөтенроссия сайлап алу ярышлары уза. Ярышларда Россиянең 56 төбәгеннән, шул исәптән Татарстаннан да, якынча 300 кеше һәм эксперт катнаша.
Ярышлар 14-16 яшьлек (яшүсмер егетләр) һәм 16-22 яшьлек (яшь профессионаллар) катнашучылар өчен 6 компетенция буенча уза. Әйтергә кирәк, ИТ-компетенция буенча ярышта Мәгълүмати технологияләр һәм элемтә техникумы студентлары, үзләренең укытучылары Алмира Вәлиуллина һәм Динар Хәйруллин белән бергә, – Антон Поликасов («Челтәр һәм системалы администрацияләү») һәм Иван Жуков («Веб-дизайн») катнаша.
Сайлап алу ярышлары кысаларында «Саха Республикасы (Якутия) цифрлы икътисады үсешенең факторы буларак ИТ-компетенцияләр» дигән темага киңәшмә узды. Спикерларларның берсе – Татарстан Республикасы Мәгълүмати технологияләр үзәге башкарма директоры Татьяна Камалетдинова катнашучылар белән Татарстан цифрлы икътисад өчен урта һөнәри белем бирүне реформалау тәҗрибәсе белән уртаклашты.