Роман Шәйхетдинов Казанда узачак халыкара транспорт системалры буенча ufvokb конференция турында әйтте
27-28 февраль көннәрендә Казанда «Корстон» КСКК мәйданчыгында «Тормыш эшчәнлеге иминлегенең хәзерге заман проблемалары: интеллектуаль транспорт системалары һәм ситуацион үзәкләр» ITS Forum-Kazan V халыкара фәнни-гамәли конференциясе ачылачак.
Чарада Татарстан Республикасы Президенты Рөстәм Миңнеханов, Татарстан Республикасы Премьер-министры Алексей Песошин, Татарстан Республикасы Премьер-министры урынбасары – Татарстан Республикасы мәгълүматлаштыру һәм элемтә министры Роман Шәйхетдинов һәм башкалар катнашачак.
Искәртәбез, конференцияне оештыручылар – гаддәттәгечә Татарстан Республикасы Министрлар Кабинеты, Татарстан Республикасы буенча ЭЭМ, Татарстан Республикасы Фәннәр академиясе, «Ростех» дәүләт корпорациясе, «Национальные телематические системы» компанияләр төркеме, «ТР-ИНВЕСТ» ҖЧҖ, «Юл хәрәкәте иминлеге» ДБУ. Форумга Россиянең һәм чит илләрнең әйдәүче белгечләре, галимнәр, ситуацион үзәкләрне һәм транспорт системаларын үстерү өлкәсендәге инженерлар һәм экспертлар җыелачак.