Роман Шәйхетдинов Дагестаннан килгән делегациягә Татарстанның санлы технологияләре белән таныштырып китте
Дагестан Республикасының башлыгы вазыйфасын вакытлыча үтәүче Владимир Васильев Татарстанга эш сәфәре белән килде.
Югары технологияләр өлкәсендә эшли торган «ИТ-парк» технопаргында кунакка Татарстан Республикасының инновацион технологияләре белән таныштырып киттеләр. Кунак янына ТР Президенты Рөстәм Миңнеханов һәм ТР Премьер-министры урынбасары - мәгълүматләштерү һәм элемтә министры Роман Шәйхәтдинов та кушылды.
Бүгенге көндә ИТ-паркта 3 меңнән артык хезмәткәр эшләүче 142 резидент-оешма урнашкан. ИТ-парк резидентларның 2017 елның 9 айлык бердәм кереме 8 млрд сум тәшкил итте. Технопаркта, перспектив стартаплар арасында сайланыш үткәрүче һәм аларның алга барышына ярдәм итүче, Россиянең иң зур бизнес-инкубаторларның берсе урнашкан. Бизнес-инкубатор резидентларның дүрттән бер өлешенә инде беренче ярты ел өчендә беренче керем килә. Кунакларга Бизнес-инкубаторда укуны иң уңышлы тәмамлаучыларның берсен – масштаб чаралар үткәрү вакытында булган эшне структурлаштыра һәм оптимизацияләштерә торган «Максат Про» проектын тәкъдим иттеләр.