Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгы

Казанда «БАРС Груп» компанияләре төркеменең III Бөтенроссия партнерлык конференциясе узды

2011 елның 4 октябре, сишәмбе

ИТ-парк” Технопаркы резидентларының берсе - «БАРС Груп» компанияләре төркеменең III Бөтенроссия партнерлык конференциясендә күп төрле сораулар каралды: ИТ-өлкәгә кагылышлы дәүләт политикасының тенденцияләре, программа чишелешләре, дәүләт хезмәтләрен электрон рәвешкә күчерү перспективалары, электрон дәүләт үсеше һәм башка технологияләр үсеше.

Конференция Казанда сентябрь ахырында узды, анда 55 партнерлык оешмадан 100 дән артык муниципаль, региональ һәм федераль дәрәҗәләрдә мәгълүматлаштыру проектларын тормышка ашыручы делегат катнашты. Алар арасында ИТ- өлкәнең иң зур оешмалары топ-менеджерлары (IBM, “Ростелеком” ААҖ) , регионнарда уңышлы эшләп килүче ИТ-компанияләр вәкилләре, мәгълүматлаштыру өлкәсендә эшләүче экспертлар бар иде.

Быел делегатлар саны 2009, 2010 елларга караганда артыграк булды. Бу “БАРС Груп” компаниясенең үсеш темпларына тәңгәл килә, дип азсызыкладылар компаниядә. Партнерлык конференциясе ел саен

“БАРС Груп” партнерлык челтәренең үсеш сыйфатын яхшырту нисбәтенннән һәм бизнесның ИТ-өлкәдәге перспектив юнәлешләрен билгеләү өчен уздырыла.

Белешмә өчен:

«БАРС Груп» компанияләре төркеме партнерлык челтәре хәзергә Россиянең 50 төбәгендәге 71 оешманы үз эченә ала. “БАРС Груп” партнерлары көче белән 163 проект тормышка ашкан, алар тарафыннан кертелгән информацион системаларны кулланучылар саны 245 000 нән артып киткән.

«БАРС Груп» компанияләре төркеме Казан ИТ-паркының резиденты һәм аның программа тәэминатын эшләүче. Электрон дәүләт элементларын эшләүдә, дәүләт хезмәтләрен электрон рәвешкә күчерүдә специальләшкән. Хәзер «БАРС Груп» компанияләре төркеме программа эшләнмәләре Россиянең 60 төбәгендә 225 проекты тормышка ашырылган, аларның күбесе партнерлык оешмалары аша алып барыла.

ТР Мәгълүматлаштыру һәм элемтә министрлыгы матбугат хезмәте

БАРЛЫК ЯҢАЛЫКЛАРНЫ УКУ