Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгы

Татарстан Республикасында “ИТ-авыл” төзелеше уннарча мең эш урыны булдырырга мөмкинлек бирә

2011 елның 3 октябре, дүшәмбе

Татарстанда төзелүче “ИТ-авыл” республика өчен яңа иктисадый үсеш ноктасы буларга мөмкин, дип саный ТР Премьер-министры урынбасары - Мәгълүматлаштыру һәм элемтә министры Николай Никифоров. Бу турыда ул бүген ИТ-паркта шушы темага узган брифингта белдерде.

Монда урнаштырылачак компанияләр эшчәнлеге күләме беренче этапта ук 20 млрд.сумнан да ким булмаячак, диде Николай Никифоров.

Үз продуктларын, технологияләрен җитештерүдә, патентлар беркетүвакытында интеллектуаль милек капиталлаштырыла, читтән инвестицияләр җәлеп ителә. Бу киләчәктә “ИТ-авыл”ның “җитештерү күләме” елга 50-70 млрд.сум дип бәяләнә, дигән сүз.

Монна тыш, “ИТ-авыл” төзү җирле ИТ-белгечләр өчен 5-10 мең эш урыны булдырырга, 10-15 мең белгечне Россиянең башка төбәкләреннән өстәмә җәлеп итәргә, шулай ук “ИТ-авыл”да башка хезмәтләрне башкару өчен 20 мең кешегә эшле булырга мөмкинлек ача.

“ИТ-авыл”ның беренче чиратын төзү 2012 елның язында башланачак. 1200 гектар мәйданда алып барылачак эш тизлеге бизнесның ни дәрәҗәдә актив булуыннан тора, һәм 5-7 елга сузылыр, дип көтелә. Проект шәхси-дәүләти партнерлык схемасы белән тормышка ашырылачак: Татарстан Республикасы бюджеты дәүләт капитал кертемнәре программалары нигезендә транспорт һәм социаль инфраструктуралар булдыру – юллар, балалар бакчалары, мәктәпләр, шифаханәләр һ.б төзүне үз өстенә ала. Ә шәхси бизнес торак һәм офислар мөлкәтенә инвестиция кертергә тиеш.

ТР Мәгълүматлаштыру һәм элемтә министрлыгы матбугат хезмәте

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ