VI Россия-Сингапур эшлекле форумында ИТ-авыл мастер-планын тормышка ашыру җентекләп каралды

2011 елның 26 сентябре, дүшәмбе
Татарстан җитәкчелеге Азия инвесторларын Татарстанда күрергә тели һәм аларга һәрьяклап ярдәм итәргә әзер. ТР Президенты Рөстәм Миңнеханов бүген Сингапурда VI Россия-Сингапур эшлекле форумында шулай дип белдерде. Рөстәм Миңнеханов һәм Татарстан делегациясе әгъзалары потенциаль инвесторлар- Сингапур һәм Азия илләренең эре компанияләре вәкилләре белән очрашты. Очрашуда ТР Премьер-министры урынбасары-Мәгълүматлаштыру һәм элемтә министры Николай Никифоров, ТР Инвестицион үсеш агентлыгы җитәкчесе Линар Якупов, ТР Президентының Тышкы элемтәләр департаменты директоры-ТР Президенты ярдәмчесе Искәндәр Мөфлиханов, “Ак Барс Банк” директорлар советы председателе Роберт Мусин, “Татнефть”ААҖ генераль директоры Шәфәгать Тәхәветдинов   катнашты.
Исегезгә төшерәбез: узган елгы форумда Татарстан Республикасы белән Сингапур арасында Сингапурның RSP Architects@Engineers PTE Ltd компаниясенең ИТ-авыл мастер-планын эшләү турында килешү имзаланган иде. Казан үзәгеннән 35 чакрым ераклыкта 1200 гектар җирдә урнашачак IT-авылда 20 мең белгеч, ә гаиләләрен дә исәпкә алсаң, 50 мең кеше яшәргә тиеш. “Яшә, укы, эшлә, ял ит” (Live, Learn, Work & Play) проектының төп нигезен нәкъ менә Сингапур тәҗрибәсе тәшкил итә.
Быел Татарстан делегациясенең Сингапурга визиты барышында RSP компаниясе директоры Лиу Тай Кер (Liu Thai Kar) белән берничә очрашу булды, аларда ИТ-авыл үсеше мастер-планы җентекләп тикшерелде.
Татарстан белән Сингапур арасында бүген мәгариф өлкәсендә, сәламәтлек саклауда, ИТ-өлкәдә актив хезмәттәшлек бара. Татарстанның Сингапур белән тыгыз хезмәттәшлек итәргә әзерлеге турында Мәскәүдә 13 сентябрьдә узган Россия-Сингапур хөкүмәтара комиссиясенең икенче утырышында да әйтелде. Аерым алганда, сүз Сингапурның Ascendas компаниясен IT-авыл (IT-village) үсешенә һәм идарәчелегенә җәлеп итү турында барды. Сингапур компанияләре белән хезмәттәшлек итү IT-village проектына Россиядә генә түгел, глобаль дөнья базарында да конкурентлык итәргә мөмкинлек бирәчәк, дип күзаллана.
ТР Мәгълүматлаштыру һәм элемтә министрлыгы матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлыгы
Документлар
Матбугат хезмәте
Гражданнарның мөрәҗәгатьләре
Адрес: 420111, Казан шәһәре, Кремль урамы, 8
Телефон: Канцелярия: (843) 231-77-95, (843) 231-77-96, Приемная министра: (843) 231-77-01, Приемная заместителей министра: (843) 231-77-02
Факс: (843) 292-40-14
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International