Информацион системалар һәм технологияләр Югары мәктәбендә тәүге уку елы башланды

2011 елның 1 сентябре, пәнҗешәмбе
ИТ-парк югары технологияләр технопаркында бүген КФУ базасында оешкан Информацион системалар һәм технологияләр Югары мәктәбендә беренче курс студентларына студент билетлары тапшырылды. Студентлар тормышында яңа этап башлану белән яшьләрне ИТ-парк директоры Динар Насыйров, Югары мәктәп директоры Айрат Хәсьянов һәм КФУ ректоры Илшат Гафуров котлады.
Быел беренче курска 38 студент кабул ителде. Шуларның утызы керү имтиханнарында иң яхшы нәтиҗә күрсәтеп, беренче уку елына ИТ-парктан шәхси грантлар алды. 2011/2012 уку елына грант күләме 74 700 сум тәшкил итә. Талантлы абитуриентларга һәм студентларга биреләчәк мондый бүләк ел саен булыр дип көтелә. Киләчәктә, бәлки бюджет урыннары да булыр.
Бу уку йортында укыту Microsoft, HP, Cisco, IBM һәм башка шундый иң яңа технологияләргә нигезләнгән авторлаштырылган курсларда алып барылачак. Иң мөһим курсларны укырга КФУның, дөньяның иң яхшы университетлары укытучылары чакырылачак. Икенче курстан башлап, студентлар алга киткән ИТ-компанияләрдә, шул исәптән ИТ-парк компания-резидентларында практика узу мөмкинлеге алачак. Мондый укытуның максаты – Татарстан Республикасының ИТ-өлкәсен үстерү өчен кадрлар булдыру.
ТР Мәгълүматлаштыру һәм элемтә министрлыгы матбугат хезмәте
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлыгы
Документлар
Матбугат хезмәте
Гражданнарның мөрәҗәгатьләре
Адрес: 420111, Казан шәһәре, Кремль урамы, 8
Телефон: Канцелярия: (843) 231-77-95, (843) 231-77-96, Приемная министра: (843) 231-77-01, Приемная заместителей министра: (843) 231-77-02
Факс: (843) 292-40-14
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International