ЯҢАЛЫКЛАР

Россиянең барлык дәүләт югары уку йортлары «Вузга онлайн керү» суперсервисына тоташа алачак, ә абитуриентлар үзләре сайлаган югары белем бирү уку йортларына документларны читтән торып тапшыра алачак. Инде 2021 елда ук документларны ерактан торып бирү өчен мөмкин булган югары уку йортлары 135тән дә ким булмаячак.

Бу елның җәендә Россия дәүләт хезмәтләренең бердәм порталында вузларга керү өчен документларны дистанцион рәвештә бирү мөмкинлеге барлыкка килде. Бу вакыт эчендә "вузга онлайн кер" суперсервисыннан 20 меңнән артык абитуриент файдаланган, алар 70 меңгә якын гариза биргән.

Татарстан абитуриентлары югары уку йортларына керү өчен уңайлы һәм куркынычсыз онлайн-форматта электрон култамга сертификаты ярдәмендә документлар бирә алалар.