Люксембургның “Mangrove Capital Partners” венчур фонды идарәче директоры Давид Варокье (David Waroquier) ИТ-парк резидентларына лекция укыды

2011 елның 16 июне, пәнҗешәмбе
Люксембургның “Mangrove Capital Partners”  венчур фонды идарәче директоры Давид Варокье  Татарстан Республикасын перспективалы һәм инвестицияләр өчен кулай регион, дип саный. Бу турыда ул бүген  “ИT-парк” югары технологияләр өлкәсендәге технопаркында “Стартапларга инвестиция бирү принциплары. SKYPE һәм KupiVip компанияләре инвестицияләре тарихы” дигән ачык лекциясендә  әйтте. Лекциядә  “ИТ-парк” Бизнес-инкубаторы  резидентлары катнашты. Давил Варокье фикеренчә, мондый очрашулар региондагы эшмәкәрләр белән якыннан танышырга һәм теге яки бу регионда кулланучылар  мәнфәгатьләрен ачыкларга мөмкинлек бирә.  Фондның максаты проектка инвестиция бирү генә түгел. Фонд бу проектлар  белән идарә итмичә генә стартапларга кирәкле юнәлеш биреп,  консультант, инструктор  була ала.  Мондый очракта стартаплар белән даими аралашуга зур игътибар бирелә, дип азсызыклады Давид Варокье.
Алдан хәбәр ителгәнчә, кичә Бизнес-инкубатор резидентлары белән очрашу барышында Люксембург венчур фонды тарафыннан финанслау күзлегеннән чыгып проектларны тирәнрәк өйрәнергә килешенгән иде.
Давил Варокье фикеренчә, инвесторны кызыксындыру өчен проектның идеясе генә түгел, ә аның җитәкчесенең кыюлыгы, амбициясе һәм ышандырырлык итеп  продуктны тәкъдим итә белүе кирәк. Инвесторлар өчен кызыклы факторлар дип, Варокье  идеянең уникаль,  киң аудиториягә  юнәлдерелгән булуы һәм ансат тормышка ашырылуы һәм файдалы булуы,  дип саный.
Белешмә:
Люксембург “Mangrove Capital Partners”  венчур фонды – Европада һәм Люксембургта кече һәм урта  предприятиеләргә инвестиция кертүче  фондлар арасында аерым урын алып тора. Ул заманча информацион технологияләр, интернет, программалаштыру, медиа бизнесы, электрон сату өлкәләрендәге стартапларга инвестицион капитал бирә һәм шулай итеп инновацион идеяләр аша дөньяга танылырлык компания төзергә теләүчеләргә зур мөмкинлек ача.
Фонд тормышка ашырган проектлар арасында SKYPEны атарга була – башлангыч этапта аны “Mangrove Capital Partners” финанслады.
Фонд ярдәм иткән компанияләр рәтендә шулай ук     Securewave, Dialcom Networks, Nimbuzz, Properazzi, Quintura, Pisco һәм башка компанияләрне атарга була. Фонд Россиядә һәм Татарстанда яңа перспективалы проектларга 1 миллионнан алып 25 миллион еврога кадәр инвестиция кертергә әзер.
ТР Мәгълүматлаштыру һәм элемтә министрлыгы матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлыгы
Документлар
Матбугат хезмәте
Гражданнарның мөрәҗәгатьләре
Адрес: 420111, Казан шәһәре, Кремль урамы, 8
Телефон: Канцелярия: (843) 231-77-95, (843) 231-77-96, Приемная министра: (843) 231-77-01, Приемная заместителей министра: (843) 231-77-02
Факс: (843) 292-40-14
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International