Люксембургның “Mangrove Capital Partners” венчур фонды Бизнес-инкубатор стартаплары өчен инвестор булырга мөмкин

2011 елның 15 июне, чәршәмбе
Люксембургның “Mangrove Capital Partners”  венчур фонды идарәче директоры Давид Варокье (David Waroquier) ИТ-парк Бизнес-инкубаторы  резидентлары булып торган компанияләрнең проектлары белән кызыксынды. Бүген бу стартаплар белән ул Казандагы визиты  барышында танышты. Визитның максаты - җирле компанияләр белән  элемтәләр урнаштыру һәм Татарстанда инновацион проектларга инвестиция ясау мөмкинлеген барлау.
Бизнес-инкубатор резидентлары белән очрашу барышында Люксембург венчур фонды тарафыннан финанслау күзлегеннән чыгып проектларны тирәнрәк өйрәнергә килешенде.
 
Белешмә:
 Люксембург “Mangrove Capital Partners”  венчур фонды – Европада һәм Люксембургта кече һәм урта  предприятиеләргә инвестиция кертүче  фондлар арасында аерым урын алып тора. Ул заманча информацион технологияләр, интернет, программалаштыру, медиа бизнесы, электрон сату өлкәләрендәге стартапларга инвестицион капитал бирә һәм шулай итеп инновацион идеяләр аша дөньяга танылырлык компания төзергә теләүчеләргә зур мөмкинлек ача.
 Фонд тормышка ашырган проектлар арасында SKYPEны атарга була – башлангыч этапта аны “Mangrove Capital Partners” финанслады.
Фонд ярдәм иткән компанияләр рәтендә шулай ук     Securewave, Dialcom Networks, Nimbuzz, Properazzi, Quintura, Pisco һәм башка компанияләрне атарга була. Фонд Россиядә һәм Татарстанда яңа перспективалы проектларга 1 миллионнан алып 25 миллион еврога кадәр инвестиция кертергә әзер.
ТР Мәгълүматлаштыру һәм элемтә министрлыгы матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлыгы
Документлар
Матбугат хезмәте
Гражданнарның мөрәҗәгатьләре
Адрес: 420111, Казан шәһәре, Кремль урамы, 8
Телефон: Канцелярия: (843) 231-77-95, (843) 231-77-96, Приемная министра: (843) 231-77-01, Приемная заместителей министра: (843) 231-77-02
Факс: (843) 292-40-14
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International