Бүген Казан ИТ-паркы директоры Антон Грачев Иннополис лицее укучылары белән очрашты. Очрашуда шулай ук “ТР мәгълүмати технологияләр үзәге” башкаручы директоры Татьяна Камалетдинова да катнашты.
Очрашу кысаларында Антон Грачев мәктәп укучыларына Казан ИТ-паркы һәм Бизнес-инкубаторы турында сөйләде. Казан ИТ-паркы тарихында мәктәп укучылары Бизнес-инкубаторы резидентлары булган очраклары бар, һәм алар проектларын уңышлы тормышка ашырды, диде Антон Грачев. ИТ-парк директоры бүгенге көндә ИТ өлкәсендә мәктәп укучылары өчен проектларын тормышка ашыруда бик күп мөмкинлекләр бар диде.