Татарстанның 53 мең мәктәп укучысы "IT-чемпион"-2015 бәйгесендә катнаша
Татарстанда республикакүләм «IT-чемпион»-2015 бәйгесе 30 ноябреьгә кадәр дәвам итәчәк. Бүгенге көнгә бәйгедә 53 142 мәктәп укучысы катнаша. Аларның логиннары uslugi.tatarstan.ru Татарстан Республикасы дәүләт һәм муниципаль хезмәтләр порталындагы 63 273 шәхси кабинетта сакланган.
Конкурста укучылары иң актив катнашучы мәктәпләр рәтендә Теләче, Арча, Тукай, Балтач һәм Нурлат районы укучылары.
Бәйгедә республиканың барлык мәктәп укучылары катнаша ала. Бәйге нәтиҗәләре буенча һәр муниципаль районда 3 укучы җиңүче булып табылачак.Шулай ук укучылар җыйган балларын биштәр, монопод, термос, наушник, бейсболка, футболкага, шулай ук конкурс партнерлары бүләкләре - «Адонис» фирмасыннан 3500 сумлык мәктәп формасына сертификатка алыштыра ала.
"Иң актив мәктәп" номинациясе нәтиҗәләре буенча ТР ның һәр муниципаль берәмлегендә бер урта яки төп гомуми белем бирү оешмасы җиңүче буларак танылачак. Җиңүчегә плазма телевизор бүләк ителәчәк.