Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгы

Роман Шәйхетдинов IV “Ачык инновацияләр” халыкара форумында катнаша

2015 елның 28 октябре, чәршәмбе

Татарстан Премьер-министры урынбасары - ТР мәгълүматлаштыру һәм элемтә министры Роман Шәйхетдинов бүген IV “Ачык инновацияләр” халыкара форумында катнаша (Мәскәү, ВДНХ территориясе).

Форумның кунаклары башкарма хакимиятнең федераль органнарының, әйдәп баручы зур компанияләрнең җитәкчеләре, инновацион бизнес өлкәсендәге алдынгы галимнәр һәм экспертлар булды.

IV “Ачык инновацияләр” халыкара форумында Россия Хөкүмәте рәисе Дмитрий Медведев чыгыш ясады.
Аның сүзләренчә, “Россиядә бизнес өлкәсе аңлаешлы була бара, бездә инфраструктурага акча кертү, инновацияләр өчен уңайлырак мохит булдыру, “Сколково” кебек проектларны гамәлгә кертү, венчур инвестицияләү белән шөгыльләнү мөмкинлеге барлыкка килә”.

Россия Хөкүмәте рәисе берничә тенденцияне билгеләде.
Беренчесе – хезмәт базарын реструктуризацияләү. Автоматлаштыру, робот техника, ясалма интеллект системасы түбән квалификацияле хезмәтне кысрыклап чыгара икән, ул вакытта беренче урынга фаразлау һәм иҗат итү мөмкинлеге чыга. Бу инженер һәм программистларга гына түгел, бәлки иҗат итә торган һөнәрләргә дә кагыла.

Икенчесе – яңа тормышка цифрлар дөньясында туган буынның килүе. Алар цифрлар технологиясен куллануга өйрәнгән, күбрәк вакытларын интернетта уздыралар, шуңа да күп товарлар һәм хезмәтләр шул юл белән алына. Бу дәүләт практикасында исәпкә алынырга тиеш.

Өченчесе – мөһим технологияләрнең, шул исәптән биомедицинаның алга китүе. Бүген социаль чынбарлык кына үзгәреп калмый, ә бәлки кешенең сәламәтлеген ныгыту өчен яңа мөмкинлекләр ачыла. Моңа зур игътибар бирергә кирәк.

ТР Мәгълүматлаштыру һәм элемтә министрлыгы матбугат хезмәте

БАРЛЫК ЯҢАЛЫКЛАРНЫ УКУ