Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгы

ТР дәүләт хезмәтләре аша Казанның “Водоканал” хезмәтләре өчен түләп була

2015 елның 5 мае, сишәмбе

ТР Дәүләт хезмәте порталында Казанның “Водоканал” МУП тәкъдим итә торган су белән тәэмин итү һәм су бүлә торган хезмәтләр өчен түли торган яңа сервис гамәлгә куелган. Бу хезмәт өчен теләсә нинди банкның картасы белән түләгән очракта да комиссия алынмый.
Искәртеп узабыз, 2015елның 1 февраленнән ТКХ хезмәтләре түләү өчен барлык банк карталары ияләре өчен комиссия бетерелде, бу идарәче оешма “Ак Барс” банкы” ААҖ белән комиссиясез түләүләр кабул итү өчен килешү имзалаган очракта, шулай ук “Ак Барс” банкы” карталары ияләре өчен төрле түләүләр буенча комиссия бетерелде.
Бүген дәүләт хезмәтләре порталында 215 электрон хезмәт һәм сервис тәкъдим ителә. Алар – юлда йөрү кагыйдәләрен бозган өчен штрафлар, балалар бакчасына язылу, салым түләү, төрле дәүләт пошлиналары түләү, пособиелар алу өчен гариза язу, аучылык билеты бирү һ.б.
Узган ел республикада яшәүчеләр өчен 32 миллионнан артык электрон хезмәт күрсәтелгән, ягъни һәр секунд саен Татарстанда бер электрон хезмәт күрсәтелә.

ТР Мәгълүматлаштыру һәм элемтә министрлыгы матбугат хезмәте

БАРЛЫК ЯҢАЛЫКЛАРНЫ УКУ