Иннополисның беренче мэры итеп Егор Иванов сайланды

2014 елның 25 декабре, пәнҗешәмбе
 Бүген гражданнар җыенында Россиянең яңа Иннополис шәһәре башлыгы сайланды. Ул - күп еллар IT-индустриядә эшләгән һәм эре инфраструктура проектлары һәм технологик стартаплар белән идарә итү тәҗрибәсенә ия 34 яшьлек Егор Иванов.
Шәһәрдә яшәүчеләр шулай ук җирле үзидарә органнары структурасын расладылар һәм Иннополис шәһәрен Татарстан Республикасы Муниципаль берәмлекләре советына кертү өчен тавыш бирделәр.
Искәртеп узабыз, Россия Премьер-министры Дмитрий Медведев төзелеш мәйданчыгында биредә яшәргә килүчеләргә юлламалы капсула салгач, Иннополис рәсми рәвештә 2012 елның 9 июнендә төзелә башлады. 2014 елның 13 декабрендә Татарстан Президенты Рөстәм Миңнеханов Иннополис бистәсен шәһәргә үзгәртү турында закон имзалады.
“Россия төбәкләреннән югары квалификацияле IT- белгечләрнең эчке хезмәт миграциясе Мәскәүгә омтыла. Белгечләр яхшы тормыш шартлары эзләп китә. Анда хезмәт хакы да югары. Әмма бу хезмәт хакы кыйммәтле торак арендасына, ашау-эчүгә, транспорт һәм башка хезмәтләргә сарыф ителә. Иннополис – ул “Яшә – Укы – Эшлә – Ял ит” принцибы буенча яшәүче Россиянең яңа шәһәре, җитмәсә башта ук югары стандартлы яшәү сыйфатына ия, - дип шәрехләде бу вакыйганы ТР Премьер-министры урынбасары – ТР мәгълүматлаштыру һәм элемтә министры Роман Шәйхетдинов. – Гражданнар җыенында сайланган Иннополис мэрына уңышлар телим. Аның бурычы Россиянең югары квалификацияле белгечләре хезмәт миграциясен нәкъ менә Иннополиска китерү өчен тырышу. Әгәр булдыра алса – мэр бурычны үтәгән дигән сүз. Ә без барыбызда аңа ярдәм итәчәкбез”.
«Иннополис – кызыклы һәм катлаулы проект. Россиядә андый проектлар юк. Шәһәр төзелеше темплары шаккатыра. Хәзер, бигрәк катлаулы икътисадый вәзгыять шартларында бу динамиканы саклау зарур, - дип билгеләп үтте Егор Иванов. – Иң мөһиме якын арада Россиянең әйдәп баручы IT- компанияләре, югары квалификацияле белгечләр, студентлар һәм аларның гаиләләре Иннополиска килсен өчен тиешле шартлар булдыру зарур. Бу уникаль шәһәрдә кешеләргә яшәргә һәм эшләргә теләсеннәр өчен тырышырга кирәк”.
Егор Иванов бүгенгә кадәр Marsfield Capital фондында инвестицион директор булып эшләгән. Ул Мәскәүдә туган, Мәскәү инженер-физика институтын тәмамлаган. Yota («Скартел» ҖЧҖ) мобиль операторын гамәлгә куючылар рәтендә, аннан 2013 елда киткән. 1999-2008 елларда ИТ-индустриядә эшләгән.
ТР Мәгълүматлаштыру һәм элемтә министрлыгы матбугат хезмәте
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлыгы
Документлар
Матбугат хезмәте
Гражданнарның мөрәҗәгатьләре
Адрес: 420111, Казан шәһәре, Кремль урамы, 8
Телефон: Канцелярия: (843) 231-77-95, (843) 231-77-96, Приемная министра: (843) 231-77-01, Приемная заместителей министра: (843) 231-77-02
Факс: (843) 292-40-14
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International