Татарстан делегациясе Барселонада Mobile World Congress күргәзмәсендә булды
Бүген Татарстан Республикасы Президенты Рөстәм Миңнеханов Европада иң эре һәм ел саен уздырыла торган мобиль индустрия күргәзмәсендә булды. Татарстаннан делегация составында Премьер-министр урынбасары – ТР Мәгълүматлаштыру һәм элемтә министры Роман Шәйхетдинов, ТР Экология һәм табигый байлыклар министры Артем Сидоров, ТР инвестицияләр үсеше агентлыгы җитәкчесе Линар Якупов һәм башкалар бар.
Делегация бүген ачылган күргәзмә экспозициясен карап чыкты, анда бөтендөнья алдынгы җитештерүчеләренең яңа товарлары куелган.Cisco компаниясе стендында Татарстан Президенты хезмәттәшлек перспективалары – аерым алганда, электрон рәвештә дәүләт һәм муниципаль хезмәт күрсәтүләр сервисы өчен Cisco челтәр хәл иткечләрен китереп тору буенча компания җитәкчелеге белән сөйләшүләр алып барды.
Шулай ук Рөстәм Миңнеханов MWC-2014да үз яңалыкларын тәкъдир итүче Samsung, Sony компанияләре экспозициясен дә йөреп чыкты.