«Макс» мессенджерында Татарстан Республикасы цифрлы сервислары навигаторы эшли

Татарстанлылар «Макс» милли мессенджерында республиканың цифрлы сервислары навигаторыннан файдалана ала. Ул төп дәүләт һәм муниципаль ресурсларга сылтамаларны берләштерә һәм татарстанлыларга дистәләгән сайтлар арасында күчүгә вакытны сарыф итмәскә мөмкинлек бирә. Хәзер мессенджерда якыннарың белән аралашып яки эш мәсьәләләрен хәл итеп кенә калмыйча, кул астында барлык иң мөһим сервислар һәм элемтәләр дә булырга мөмкин.

Цифрлы ярдәмче «бер тәрәзә» принцибы буенча эшли һәм ТР Рәисе, Хөкүмәте, Дәүләт Советы, Казан мэриясенең, шулай ук республика министрлыкларының, дәүләт комитетларының, шәһәр һәм район администрацияләренең рәсми интернет-ресурсларына тиз арада керү мөмкинлеген бирә.

Навигатор интерфейсы берничә басуда төп сервисларга күчәргә мөмкинлек бирә:

ТР Дәүләт хезмәтләре чат-боты. «Макс» ка бот аша табибка язылырга, салымнар түләргә, штрафлар булу-булмавын тикшерергә яки «Халык контроле» нә гариза җибәрергә мөмкин.
Татарстан КФҮ чат-боты. Кабул итүгә дистанцион рәвештә язылырга, филиалларның көн тәртибен һәм йөкләнешен ачыкларга, шулай ук документларның әзерме булуын тикшерергә ярдәм итә.
Интернет кабул итү бүлмәсе. Республиканың кызыксындырган теләсә кайсы ведомствосына мөрәҗәгать юлларга мөмкинлек бирә.
Сылтама буенча күчегез һәм навигаторны хәзер үк кулланып карагыз.

«Макс» мессенджеры сервисларын үстерү «Мәгълүматлар икътисады» илкүләм проектының максатларына һәм бурычларына турыдан-туры җавап бирә, аның максаты - гражданнар өчен уңайлы һәм һәркем файдалана алырлык цифрлы платформалар булдыру.