Татарстанлылар «Дәүләт хезмәтләре» аша беренче сыйныфка язылуның икенче дулкынында 7,3 мең гариза тапшырганнар
Балаларны беренче сыйныфларга кабул итүнең икенче дулкыны башланганнан бирле Татарстан халкы мәктәпләргә 8,7 меңнән артык гариза җибәргән. Шул ук вакытта якынча 7,3 мең мөрәҗәгать электрон рәвештә «Дәүләт хезмәтләре» порталы аша тапшырылган.
Цифрлы платформаны Казанда яшәүчеләр аеруча актив кулланганнар, алар 4,1 меңнән артык гариза юллаган. Активлык буенча икенче урында - Әлмәт районы (428 гариза), өченче урында — Яшел Үзән районы (407 гариза).
Татарстанлылар еш кына «Адымнар» полилингваль комплексына гариза биргәннәр, анда 110 мөрәҗәгать җибәргәннәр.
Электрон заявкаларны кабул итүнең нечкәлекләрен һәм тутыру кагыйдәләрен сылтама буенча белергә мөмкин.
Дәүләт хезмәтләре аша гариза бирү «Мәгълүматлар икътисады» илкүләм проекты кысаларындагы эш нәтиҗәсендә мөмкин булды, ул дәүләт хезмәтләре алу мөмкинлеген һәм уңайлылыгын арттырырга мөмкинлек бирә.