Еврей автономияле өлкәсе делегациясе Татарстанның алдынгы ИТ-карарлары белән танышты
Губернатор Мария Костюк җитәкчелегендәге Еврей автономияле өлкәсе делегациясе эшлекле визит белән Татарстан Республикасында булды. ТР цифрлы үсеш министры Илья Начвин кунаклар өчен Бәшир Рәмиев исемендәге ИТ-парк буйлап экскурсия үткәрде һәм Татарстанның уникаль ИТ-экосистемасы үсеше турында сөйләде, анда мәгариф һәм инновацион үзәкләр, шулай ук бизнеска ярдәм итү мәйданчыклары бар.
Экскурсия кысаларында делегация Балалар ИТ-паркында булды, анда мәктәп укучылары һәм студентлар программалаштыру, робот техникасы һәм цифрлы технологияләр өйрәнә, шулай ук киберспортны үстерү һәм цифрлы чаралар уздыру өчен заманча мәйдан — Киберпарк аренада булды. Бу мәйданчыклар регионның ИТ-кадрлар резервын формалаштыруга һәм яшьтән үк югары технологияләр белән кызыксынуны үстерүгә ярдәм итә. Аннары кунакларга республиканың төп ИТ-проектлары тәкъдим ителде. Алар арасында ТР Мәгълүмат технологияләре үзәге проектлары, "ГосПромт"сервисы һәм башкалар.