Татарстан Республикасы Цифрлы үсеш министрлыгында коррупциягә каршы көрәш темасына семинар үткәрелде
5 мартта Татарстан Республикасы Цифрлы үсеш министрлыгында коррупциягә каршы торуның төп мәсьәләләре буенча семинар-киңәшмә узды. Чарада ИТ-тармак, иҗтимагый һәм профсоюз оешмалары вәкилләре булды.
Семинар спикерлары:
- Булат Габдрахманов, ТР Цифрлы үсеш министры урынбасары.
- Равия Шрша, Татарстан Республикасы Рәисе коррупциягә каршы сәясәт мәсьәләләре идарәсенең коррупциягә каршы тикшерүләр бүлеге мөдире.
- Флер Баһаветдинов, Казан Башкарма комитеты җитәкчесенең Хокук мәсьәләләре буенча киңәшчесе.
2026 елның 1 гыйнварына Татарстанда 5600 дән артык дәүләт хезмәткәре эшли. 2025 елда гына да 1800гә якын хезмәткәр хезмәткә кабул ителгән.
Семинарда катнашучыларга законнардагы үзгәрешләр, чикләүләр, дәүләт хезмәткәрләренең бурычлары турында сөйләделәр. Спикерлар бурычларны үтәмәү өчен нинди санкцияләр баруын, нинди гамәлләр коррупцион хокук бозулар дип саналачагын аңлаттылар һәм реаль мисаллар китерделәр. Соңгы ике елда Татарстанда ышанычны югалту сәбәпле дәүләт хезмәтендәге кешеләрне эштән азат итү очраклары, шулай ук расланмаган керемнәргә алынган мөлкәтне тартып алу буенча шау-шулы процесслар булды. Бу юнәлештә эш даими алып барыла: прокуратура даими рәвештә тикшерүләр башлап җибәрә һәм хокук бозулар тапкач, судка мөрәҗәгать итә.
Семинар азагында коррупция кагыйдәләрен бозуны булдырмас өчен өстәмә цифрлы инструментлар булдырырга тәкъдим ителде, чөнки нәкъ менә цифрлаштыру коррупциягә каршы көрәштә мөһим роль уйный.