ИТ-парк Һиндстан технология палатасы белән 3 елга хезмәттәшлек турында меморандум имзалады
8 октябрь көнне "TIME: Россия – Һиндстан. Үзара нәтиҗәлелек " офрумында ИТ-парк һәм Һинд-Россия технологик хезмәттәшлек палатасы (CIRTC) Россия һәм Һиндстан арасында технологик һәм инвестицион партнерлыкны үстерүгә юнәлдерелгән үзара аңлашу турында меморандум төзеделәр.
Килешү Татарстан ИТ-компанияләре өчен перспектив Һиндстан базарына чыгу юлын ача, шулай ук Татарстан Республикасына Һиндстан технологик инвестицияләрен җәлеп итү өчен шартлар тудыра.
"Бу килешү - республика ИТ-тармагының халыкара элемтәләрен үстерүдә тагын бер мөһим адым. Безнең команда Һиндстанда Россия цифрлы чишелешләрен һәм продуктларын тәкъдим итү белән кызыксына", - дип билгеләп үтә "ИТ-парк" югары технологияләр өлкәсендә Технопарк" ДАУ директоры Руслан Власов.
Хезмәттәшлекнең төп юнәлешләре:
- Технологик хезмәттәшлек һәм инвестиция мөмкинлекләре турында мәгълүмат алмашу;
- ИТ-паркның резидент компанияләренә Һинд базарына чыгуда ярдәм итү;
- Һиндстанда Татарстан компанияләренең вәкиллекләрен ачуда ярдәм итү.
Килешү якларның үзара ризалыгы белән өч ел дәвамында гамәлдә була.