Татарстанда «Интернетка рәхмәт – 2025» XI Бөтенроссия компьютер белеме буенча шәхси казанышлар конкурсына эшләр кабул итү дәвам итә!

2025 елның 27 октябрендә өлкән буын өчен мөһим булган бу вакыйгада катнашу өчен гаризалар кабул итү төгәлләнә. Конкурс пенсионерлар һәм заманча цифрлы күнекмәләрне үзләштерүче (50+) өлкән яшьтәге гражданнар арасында онлайн уздырыла.

Быел республика ТОП-10 иң актив төбәкләр исемлегенә керде - Татарстаннан 553 конкурс эше килгән! Үзенең цифрлы уңыш тарихы белән уртаклашырга теләгән һәркем кушыла ала.

Azbukainterneta.ru сайтында «Конкурс» бүлегендә җентекле кагыйдәләр, номинацияләр һәм эшне җибәрү мөмкинлеге урнаштырылган. Игътибар итәбез: быел өлкән буын өчен компьютер белеме курслары укытучылары өчен махсус номинация гамәлгә кертелде!