Татарстанның Цифрлы үсеш министрлыгы республикада яшәүчеләрне җәйне файдалы уздырырга чакыра!
Татарстан цифрлы үсеш министрының беренче урынбасары Илья Начвин «Татарстанда җәй» республика программасына багышланган матбугат конференциясендә катнашты.
Татарстан Рәисе Рөстәм Миңнеханов инициативасы һәр кешегә дә ошарлык чаралар программасын күздә тота. Цифрлы үсеш министрлыгы шулай ук җәйне файдалы уздырырга ярдәм итәчәк кызыклы проектлар әзерләде.
.jpg)
Быел җәй Татарстан халкына ниләр әзерләдек?
"Фәнни код: җәйге лекцияләр" (4 июнь – 11 сентябрь, Б.Рәмиев ис. ИТ-парк): фән, технологияләр, мәгариф һәм психология өлкәсендә әйдәп баручы экспертлардан 14 мавыктыргыч лекция. Программада Алексей Семихатов, Антон Шкаплеров, Наталья Касперская һәм башка танылган спикерлар чыгышлары көтелә.
Беренче лекция инде 4 июньдә булачак, тема — «Барысы да ачык булуга карамастан: дөньяның хәзерге фәнни картинасы интуициягә каршы чыга».
«Татар Сан» ИТ-конференциясе (21 июнь, Б.Рәмиев ис. ИТ-парк): аралашу, тәҗрибә уртаклашу һәм яңа проектлар эшләтеп җибәрү мәйданчыгы. Конференция кысаларында 250 000 сумлык приз фонды белән «Код патшабикәсе» махсус конкурсы узачак.
«Цифровиада» (10 август, УРАМ экстрим-паркы): республиканың цифрлы командасы өчен спорт фестивале. Мәйданчыкта республиканың һәр кешесе күңеленә хуш килерлек активлык табачак.
Пенсионерлар һәм инвалидлар арасында күп төрле компьютер ярышлары буенча «Хикмәт» республика чемпионаты (15 август, Б. Рәмиев ис. ИТ-парк). Катнашучылар компьютер техникасы һәм цифрлы сервислар белән эшләү өлкәсендәге белемнәрен һәм күнекмәләрен күрсәтә алачак.
«Сәнәгатьне цифрлаштыру» конференциясе (21 август, Чаллы шәһәре ИТ-паркы): Татарстан Республикасының алдынгы сәнәгать предприятиеләре һәм ИТ-компанияләре очрашуы. Программада: күргәзмә, эшлекле программа һәм speed dating.
«Бишне бир!» проекты (1 Сентябрь – 7 ноябрь): Татарстан мәктәп укучылары өчен конкурс-белем бирү, анда 45 районнан балалар катнаша! Балалар ИТ-белгечлек белән үзләренең мобиль кушымталарын төзү аша танышалар, ә иң яхшы 50 кушымтаны алга таба гамәлгә ашыруда ярдәм алалар.
Проект Татарстан Республикасы Рәисе Рөстәм Миңнеханов гранты ярдәмендә гамәлгә ашырыла.