«Мир Крипто» һәм «Җиңүгә 80 ел» бөтенроссия квиз-турнирларында җиңгән республика командаларын ТР Цифрлы министрлыгы котлады
Кичә ИТ-паркта республика командалары арасында «Мир Крипто» һәм «Җиңүгә 80 ел» бөтенроссия квиз-турнирларында җиңүчеләрне бүләкләү тантанасы узды. Чара «Мәгълүматлар икътисады һәм дәүләтнең цифрлы трансформациясе» илкүләм проекты ярдәмендә узды.
2025 елның 19 апрелендә «Просвещение» компанияләр төркеме ярдәмендә узган «Җиңүгә 80 ел» квиз-турнир Россиянең 89 төбәгеннән һәм 10 илдән командалар җыйды. Онлайн-форматта 14-23 яшьлек укучылар: мәктәп укучылары, югары уку йортлары һәм көллиятләр студентлары, төрле иҗат һәм спорт коллективларында катнашучылар катнашты. Турнир яшьләргә гражданлык позицияләрен үстерергә һәм ватанпарвәрлек тәрбияләргә ярдәм итә.
"Турнир биремнәре Бөек Ватан сугышы турындагы киң аудиториягә билгеле булмаган фактларны ачты, бу катнашучыларга Ватан тарихы һәм илебез казанышлары турындагы белемнәрен тирәнәйтергә мөмкинлек бирде. Безнең өчен яшьләрнең үз Ватанының тарихи мирасы белән кызыксынуы аеруча мөһим", — дип билгеләп үтте министр урынбасары Булат Габдрахманов.
Беренче урынны КФУның «IT-лицей»ның «Лирика» командасы алды: Закиров Рифат, Жаворонкин Марк, Йосыпов Искәндәр, Рәхмәтуллин Кәрим, Русских Илья һәм Галимҗанова Мәдинә.
2024 елның 14 декабрендә узган «Мир Крипто» квиз-турниры 580 торак пункттан, Россия Федерациясенең 74 субъектыннан 2040 команданы һәм Беларусь Республикасыннан 2 команданы җәлеп итте. Турнирны Федераль саклау хезмәте академиясе һәм РФ Цифрлы үсеш министрлыгы ярдәмендә мәгълүмати куркынычсызлык хезмәтләре җитәкчеләре ассоциациясе оештырды.
Республика зачетында җиңүчеләрне котлыйбыз:
1 урын - Россия Эчке эшләр министрлыгының «Алабуга барслары» командасы: Абдулвагабов Раджаб, Шилекбаев Руслан, Хәбибуллин Данияр, Кузьминых Андрей, Петько Николай һәм куратор Анастасия Фурина
2 урын – Бөгелмә машина төзелеше техникумының «MiniBytes» командасы
3 урын-«ХКҮ-КМТҺЭТ» ДАҺБУ «Sausages»командасы
Чара барышында җиңүчеләр һәм призерлар кыйммәтле бүләкләр, дипломнар һәм кубоклар алдылар. Командаларны турнирларга әзерләгән педагогларга һәм кураторларга аерым рәхмәт сүзләре әйтелде.