Бәшир Рәмиев ис. ИТ-паркта «Белем иярчене» гаилә фестивале узды
Узган шимбәдә Бәшир Рәмиев ис. ИТ-паркта фәнни тикшеренүләрне, космик казанышларны һәм яшь галимнәрне берләштергән «Белем иярчене» гаилә фестивален уздыру урыны булды. Чарага 6000нән артык кеше килде, шул исәптән балалар һәм аларның ата-аналары да. Чара чын фән һәм космос бәйрәменә әверелде.
Фестивальне Татарстан Республикасы цифрлы үсеш министры Айрат Хәйруллин, Татарстан Республикасы мәгариф һәм фән министрының беренче урынбасары Андрей Поминов, Кызыклы фән һәм техника йорты генераль директоры Дмитрий Иванов ачтылар.
Мәйданчыкта 17 интерактив зона һәм 3 лекция залы эшләде, анда кунаклар космик тикшеренүләр һәм фәнни ачышлар дөньясына чума алды. Гаиләләр космик тематика буенча өч конкурста актив катнаштылар һәм җиңүчеләр билгеләнде. Фестивальнең бәйрәм ачылышында очучы-космонавт Андрей Борисенко видеомөрәҗәгатен күрсәттеләр, бу чарага үзенчәлекле атмосфера өстәде.
"ИТ-паркның төп максаты - республиканың барлык халкы өчен ачык киңлек булдыру, яңа квалификацияле кадрлар барлыкка килүгә ярдәм итү. «Белем иярчене» кебек чаралар балаларга һәм аларның ата-аналарына фән һәм цифрлаштыру дөньясына якынаерга ярдәм итә, яшь тикшеренүченең һәр адымын республика һәм ил үсешенә мөһим өлеш кертә", - дип билгеләп үтте ачылышта Татарстан Республикасы дәүләт идарәсен цифрлы нигездә үстерү министры Айрат Хәйруллин.