Дәүләт хезмәтләре порталы аша беренче сыйныфка гаризалар кабул итү башланды

1 апрельдән балаларны беренче сыйныфка кабул итү өчен гаризалар кабул ителә башлады, Дәүләт хезмәтләре порталы бу эшне галдиләштерергә ярдәм итә.

Ничек гариза бирергә:

• Гариза тутыру: «Госуслуги» порталында гариза төзегез. Кара вариантны алдан ук сакларга мөмкин;
• Документлар тапшыру: гариза тутырылганнан соң, мәктәп документларның фотоларын яки сканерларын сорый ала, шулай ук сезне төп нөсхәләрне тапшыру өчен чакыра ала. Барлык сораулар сезнең шәхси кабинетка киләчәк;
• Кабул итү турында боерык: кабул итү турында боерык мәктәп тарафыннан, гаризалар кабул итү тәмамланганнан соң, өч эш көне эчендә чыгарыла. Кабул итү турында хәбәрнамә, боерык чыкканнан соң, өч эш көне эчендә сезнең шәхси кабинетка киләчәк;
• Дәресләр качан башлана: сезнең балагыз рәсми рәвештә беренче сыйныфка кабул ителәчәк һәм дәресләрне сентябрьдә башлаячак.

Игътибар итегез, 2025 елның 1 апреленнән РФ гражданлыгы булмаган балалар өчен мәктәп төбәгендә рус телен белүгә тест узарга кирәк булачак. Тулырак мәгълүматны Мәгариф идарәсенең җирле органында белергә була.

Кабул итү кампаниясе 30 июньгә кадәр дәвам итәчәк. Хәзер ташламалары булган кешеләрне яшәү урыны буенча мәктәпләргә дә язалар. 6 июльдән 5 сентябрьгә кадәр - буш урыннары булган теләсә кайсы мәктәпкә биреп була.