Татарстан Республикасы цифрлаштыру министрлыгы «Мәгълүматлар икътисады һәм дәүләтнең цифрлы трансформациясе» илкүләм проекты кысаларында ИТ-белгечләрне әзерләү өчен КФУда цифрлы чишелешләр лабораториясен ачты
Татарстан Республикасы Цифрлаштыру министрлыгы «Мәгълүматлар икътисады һәм дәүләтнең цифрлы трансформациясе» илкүләм проекты кысаларында КФУның Мәгълүмати технологияләр һәм интеллектуаль системалар институтында булачак ИТ-белгечләр өчен программаны гамәлгә ашыра. 2024 елда без ИТ-белгечлекләр студентлары өчен «Клиентоцентрик цифрлы чишелешләр һәм дәүләт идарәсе өлкәсендә сервислар» лабораториясен эшләтеп җибәрдек.
Төп бурыч - Татарстан гражданнары өчен уңайлы һәм нәтиҗәле цифрлы сервислар булдыра алырлык ИТ-инженерлар әзерләү. 2025 елда ук иң яхшы студентларны дәүләт хезмәтләрен яхшыртуга юнәлдерелгән реаль проектлар эшләүгә җәлеп итү планлаштырыла.
Әлегә лаборатория пилот режимында эшли, әмма хәзердән үк студентлар мөһим күнекмәләрне үзләштерә: кулланучыларның үз-үзләрен тотышын һәм хис-кичерешләрен анализлау, сервис дизайны һәм цифрлы чишелешләрне модельләштерү. Алар һәркем файдалана алырлык, нәтиҗәлелек, Бердәмлек, даими яхшырту, объективлык, ачыклык, куркынычсызлык һәм ышанычны үз эченә алган клиент үзәклелек принципларын өйрәнәләр.
"Цифрлы кафедралар" — югары уку йортларында 2022 елда эшли башлаган һөнәри ИТ-әзерлек программалары. Проект «Цифрлы трансформация өчен кадрлар» федераль проекты кысаларында гамәлгә ашырыла, ул «Мәгълүматлар икътисады һәм дәүләтнең цифрлы трансформациясе» илкүләм проектының бер өлеше булып тора.
"Бу эш - безнең төбәкнең цифрлы икътисады өчен квалификацияле кадрлар әзерләүдә мөһим адым. Бергәләп без киләчәкне булдырабыз, анда технологияләр һәр кеше файдасына эшли", - дип ассызыклый Татарстан Республикасының цифрлы үсеш министры Айрат Хәйруллин.