Татарстан Республикасы цифрлы үсеш министры КФУның мәгълүмати технологияләр һәм интеллектуаль системалар институты студентлары белән очрашты
Бүген, 28 гыйнварда, дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин КФУның мәгълүмати технологияләр һәм интеллектуаль системалар институтының 2 һәм 3 курс студентлары белән лекция форматында очрашты.
Фикер алышуның төп темасы ясалма фәһем һәм аның көндәлек тормыштагы роле булды. Студентлар актив рәвештә теманы күтәреп алдылар һәм ЯФ куллану, аның тарихы һәм көндәлек тормышка йогынтысы белән кызыксындылар.
Очрашу кызыклы сораулар, дискуссияләр һәм фикер алышулар белән тулы җанлы әңгәмә форматында узды. Айрат Хәйруллин булачак программистларга мөһим сораулар бирде, шул исәптән «Ни өчен нәкъ менә хәзер цифрлы һәм мәгълүмати планда кискен алга китеш булды? Һәм моңа нейрочелтәрләр никадәр көчле йогынты ясаган?»
Чара студентларга нейрочелтәрне үзләштерүнең мөһимлеген һәм һөнәри өлкәдә уңышка ирешүдә аның ролен аңларга ярдәм итүгә юнәлдерелгән иде. Цифрлы үсеш министры билгеләгәнчә, ЯФне үз эшләренә дөрес интеграцияли белүче белгечләр һөнәрләрендә зур өстенлекләргә ия.
Очрашу ЯФ өлкәсендәге тенденцияләр турында фикер алышу һәм бу цифрлаштыру өлкәсен ничек яхшырак аңларга һәм үзләштерергә кирәклеге турында киңәшләр белән тәмамланды. Лекция студентларга катлаулы темаларны тирәнрәк аңларга һәм тәнкыйди фикерләүне һәм аналитик күнекмәләрне үстерергә ярдәм итүен исбатлады.