ИТ-тармакның кереме ел саен арта бара. Әлеге үсешнең төп этәргеч нокталары - үзебезнең программа тәэминатын сату, компьютерлар җитештерү, мәгълүмати иминлекне тәэмин итү һәм республикада цифрлаштыру. 2022 ел белән чагыштырганда үсеш 20% тан артык, бу башлангыч фараздан 8% ка югарырак. 2024 ел нәтиҗәләре буенча факттагы нәтиҗәләр шулай ук фаразлардан артып китәр дип ышанабыз.

ТР Цифрлы үсеш министрлыгы һәм ИТ-парк эшенең бер юнәлеше - студентлар стартаплары. Технологик эшмәкәрлекне үстерү программасы ярдәмендә агымдагы елда тагын 292 яңа студентлар стартапы барлыкка килде,шуларның 67% ы ИТ-юнәлеш. Барлыгы ИТ-юнәлештәге студентлар стартаплары инде 252 булды.

Татарстан Республикасы Хөкүмәте тарафыннан республиканың авыл торак пунктларын саклап калу буенча даими нигездә чаралар күрелә. Аз санлы торак пунктларны саклап калу республика Хөкүмәте сәясәтенең аерылгысыз өлеше булып тора. Цифрлы тигезсезлекне бетерү буенча федераль программаны гамәлгә ашыру торак пунктларны саклап калу чараларының берсе булып тора.

Ике ел элек Б.Рәмиев исемендәге ИТ-паркта беренче дәүләт киберспорт мәйданчыгы ачылды. Бүген Киберпарк Арена  киңәйтелүгә, франшизага әверелүгә әзер, ә бирегә килүче кешеләр саны 2024 ел ахырына 550,000 кеше тәшкил итәчәк, дип көтелә.