Шәле–Баулы трассасында мобиль интернетны тизләттеләр
Мегафон инженерлары «Цифрлы икътисад» илкүләм проекты буенча төбәкнең мәгълүмат инфраструктурасын үстерү максатында төзелә торган Алексеевск–Әлмәт тизйөрешле автомобиль юлын элемтә һәм мобиль интернет белән тәэмин иттеләр.
Хәрәкәт ачылганнан бирле авто йөртүчеләр карталардан файдалана, маршрутларны җиңел төзәтә, төшке аш өчен урыннар таба яки кунакханәләрдә номерларны броньлый алачак.
Иң зур өслек радиусын тәэмин итү өчен, оператор база станцияләрен 40 метрлы терәкләргә урнаштырган. Эшләр тәмамланганнан соң, мәгълүматларны тапшыруның максималь тизлеге 80-100 Мбит/с ка җитә.
"Транспорт инфраструктурасының яңа объектларында элемтәне оештыру - ул безнең абонентларның иминлегенә һәм уңайлылыгына инвестицияләр кертү. Юлда интернет-сервисларга ихтыяҗ артуны статистика раслый: октябрьдә М-12 трассасының Татарстандагы участогында гына машина йөртүчеләр һәм аларның пассажирлары май аена караганда трафикны өчтән бергә күбрәген файдаланган", — дип шәрехли Татарстандагы Мегафон директоры Михаил Русинов.