Роботлар сугышы буенча халыкара чемпионатның яңа сезоны башлана
2024 елда беренче тапкыр Чемпионат ике дисциплина буенча узачак: төрле яшьтәге катнашучылар өчен 110 килограммга кадәр авырлыктагы робот белән «Роботлар сугышы» һәм 10-17 яшьлек катнашучылар өчен 1,5 килограммга кадәр авырлыктагы робот белән «Мини-роботлар сугышы».
Чемпионатның беренче сайлап алу этабы 2024 елның 28 сентябрендә Мәскәү хөкүмәте ярдәмендә «ЦСКА Арена» спорт комплексы территориясендә узачак. Беренче этапта Россия, Беларусь, Бразилия, Һиндстан, Иран һәм Кытайдан 48 команда катнашачак.
Беренче сайлап алу этабында Россия командасы составында Татарстан Республикасы вәкилләре катнашачак: Destructor, Robozon, KAI - Destructor, Robodom - Destructor командалары.
Чемпионатның турыдан-туры трансляциясен интернет челтәрендә сылтама буенча карарга мөмкин.