Халыкара компетенцияләр үзәге – Казан мәгълүмати технологияләр һәм элемтә техникумы BRICS Future Skills & Tech Challenge халыкара чемпионаты финалын кабул итәчәк

2024 елда Россия Федерациясе БРИКСта рәислек итә. Россия Һөнәрләрне һәм күнекмәләрне үстерү агентлыгы йөзендә БРИКС эшлекле советының һөнәри әзерлек, гамәли технологияләр һәм инновацияләр буенча эш төркеменең даими әгъзасы булып тора.

XV саммит кысаларында БРИКС илләре лидерлары тарафыннан хупланган эш төркеменең төп проекты булып BRICS Future Skills & Tech Challenge халыкара чемпионаты тора.

Чемпионат югары технологияле һәм перспектив юнәлешләр буенча уздырыла:

- «Яңа һәм перспективалы базарлар»;

- «Цифрлы икътисад»;

- «Яңа производстволар».

Чемпионатның финал этабы 2024 елның 23-27 сентябрендә Казанда «Халыкара компетенцияләр үзәге – Казан мәгълүмати технологияләр һәм элемтә техникумы» базасында БРИКС илләре вәкилләре катнашында узачак.